|
un paraphilosophic projecto |
................................. ................................. ...***......******....******..... ...***.....********...********... ...***.....***...**...***..***... ...***......****......***..***... ...***........****....******..... ...***.....**...***...***..***... ...******..********...***..***... ...******...******....***..***... ................................. |
I N T R O
Iste tres autores ha in le opiniones de historicos del philosophia e del ideas un maxime discredito, e pro isto illes es mentionate normalmente solo in margine. La Mettrie es considerate como un materialista mechanistic grossier; Stirner como un juven-hegeliano exaltate, o como un anarchista individualistic; Reich como un freudo-marxista con le obsession del sexualitate, o anque como un naturalista esoteric ("Orgon"). Le ration per que illes e solo illes (i.e. lor obras e lor effectos) sta in le centro de iste projecto, non es possibile de explicar in anticipation. Le projecto LSR mira in omne caso non solo al rehabilitation de iste pensatores infamate, mais ha anque ulterior objectivos. Pro isto le projecto LSR es comprensibile solmente in secunde intention como un projecto philosophic, ligate al historia del doctrinas. Illo nasceva post un evaluation del philosophia rationalistic, critic, progressive, scientific, etc, que non terminava in resignation, in nostalgia, o mesmo in postmodernitate. Le consequentia ha essite que le philosophia in le signification traditional, post que su problemas importante es devenite objectos del scientias, deveniva superflue. Ergo le resultato de projecto LSR non pote plus esser appellate "philosophia", mais potius "paraphilosophia". (*) Le concentration a le tres autores La Mettrie, Stirner e Reich ha causa in le maniera extraordinari per le qual cata vice le contemporanee pensatores del plus radical, i.e. atheistic rationalistic philosophia (representative: Diderot, Marx, Freud) reageva a illes: "D/M/F" evitava cata discussion del ideas de L/S/R e poteva per iste maniera, con implicite succurso de omne participantes, reducer L/S/R al cultur-historic impersonas. Le "grande consenso" contra L/S/R sta super un base que le atheistic rationalistas mesmo ha in commun con su theistic e theologic adversarios: le "anthropologic" conviction, que le hominisation de cata unic eveni per le sue enculturation: e que iste eveni per medio del - generalmente inconsciente e irrational -processo de introjection del normas, valoras etc. de su cultural ambiente. Homine esserea, qui es subjecte de un tal internalisate "super-ego". L/S/R al contrario - e solmente illes - ha le un concepto commun, le qual evidentemente es le sacrilegio del sacrilegios: que iste maniera de hominisation in le curso de cultural rationalisation on debe eliminar; que le real "egresso del homine ex su minoritate" seque le imperativo (lat.): "super-ego esse delendum !"
(*) Paraphilosophia es un vocabulo, le qual usque nunc esseva in pena uso -- justemente, nam usque nunc non ancora unquam successeva a evolver pensatas, le quales - ex un originari philosophic impeto - on non poter subjunger al dominio del philosophia; illes sta pro si dicer extra resp. juxta del philosophia traditional. Iste "paraphilosophia" evidentemente deveniva possibile solmente hodie, post le fallimento del victoriose [sic!] rationalismo(s) del 18., 19. e 20. seculo (e le misinterpretationes de iste fallimento). Un solide definition on hic loco necuno attendera legitimemente. (Un miscomprension grave il esserea in omne caso a comprender le paraphilosophia del projecto LSR como concipite analoge al plus nove parascientias o al plus ancian parapsychologia) |
Copyright 2001 © by Bernd A. Laska
| L.S.R |
